莫怪小編吟噚 唔取西經買Figure

作者:Linda    發表日期:2017-08-22 15:06:02

「隻有你咁勁,就是Only You」,老老實實,《西遊記》已經畀人拍過N咁多次,孫悟空亦有數之不盡嘅版本,不過你問香港人,哪一個是最深入民心、最好笑又最有深度,唔使審,一定係周星馳嘅至尊寶,如果至尊寶都有1/6 Figure,你話幾好呢!呢份愛,唔使等足一萬年,有機會一年後就成事。

內地Figure品牌IN FLAMES,最近宣布將會推出《大話西遊之大聖娶親》(《西遊記之仙履奇緣》內地版名稱)嘅1/6至尊寶Action Figure(編號LT-001)。睇Figure,一定睇咗頭雕先,從官圖睇,呢款至尊寶真係好吸引,眼神似足星爺咁精靈外,鼻頭與人中嘅招牌式化妝都跟到足,包唔會認錯;至於服飾方麵似乎都好有水準,尤其是盔甲有清晰雕工,以及富金屬感嘅塗裝,其實IN FLAMES之前都出過唔少三國武將Figure,由頭雕到服飾都有好高水準,實物與官圖之間隻有好少落差,相信今次嘅至尊寶都唔會甩轆啩!配件方麵有專屬地台、如意棒、香蕉與月光寶盒,到底月光寶盒開唔開到,而金剛箍又拆唔拆到出嚟,品牌仲未公布,售價亦都未定,隻係預告明年第二至第三季派貨,希望佢哋能夠「全力地去Do」,唔好令廣大嘅星爺粉絲及玩具迷失望,喃嘸阿彌陀佛!

除咗至尊寶,最得香港人歡心嘅孫悟空,自然係識得變超級撒亞人嗰位啦!日係品牌medicos喺2011年推出過「超像Art超級撒亞人孫悟空」雕像,唔隻有23cm高、夠曬大隻,而且傳神還原漫畫版第22期封麵嘅甫士,將悟空變成超級撒亞人時嘅淩厲氣勢立體化,呢款神物唔隻一上架就被秒殺,2012年再出都同樣沽清,當時買唔到,依家又唔想捱炒價入中古品嘅朋友,年尾畀多次機會你,事關品牌剛剛宣布,將於今年12年「再再販」,晨早提咗你,咁都Miss嘅話,小編真係幫你唔到……


本文來源:http://hk.on.cc/hk/bkn/cnt/lifestyle/20170822/bkn-20170822130012807-0822_00982_001.html




Tag:
本文鏈接:http://www.mud-pumps.com/23808.html