港超聯 夢想FC反勝陽光元朗「開齋」

作者:STEPHANIE    發表日期:2017-09-17 03:17:01

周六(16日)港超聯尾場賽事於元朗大球場上演,由去仗小勝而回的陽光元朗,主場火拼上周慘吞7蛋的夢想FC。夢想FC雖先失一球,但在隊長陳偉豪奮不顧身追平下,再憑柏保路及祖亞昆的入球,以3比1反勝對手,今季聯賽終於「開齋」!

元朗3分鐘就找到首次起腳機會,艾華頓左路殺入禁區單刀起腳,但被夢想後衞羅梓駿門前解圍。這支橙色軍團把握主場氣勢「撳住攻」,10分鐘艾華頓偷得梁國威腳下球,隊友狄卡奧引球推進射破謝家榮十指關,為元朗領先1比0。今仗元朗射手艾華頓相當活躍,4分鐘後他又力壓陳偉豪起腳,但被謝家榮飛身撲出。落後的夢想於22分鐘靠角球攻勢追平,隊長陳偉豪接應隊友頭搥二傳,於遠柱飛身撞入,唯他與對方門將陳嘉豪相撞後受傷倒地,要由擔架抬離場。11分鐘後夢想「食過返尋味」,再用高空攻勢轟炸元朗,由柏保路頭搥破門,比分反超前2比1!元朗其後曾由杜馬思將皮球送入網,不過被判越位「食詐胡」,半場夢想領先1球。

下半場初段夢想幾乎擴大比數,羅梓駿與隊友「撞牆」後於禁區射門,惜未建全功。到63分鐘夢想於禁區頂搏得罰球,祖亞昆主射省中人牆改變方向入網,助球隊戲劇性領前至3比1。之後元朗全軍進攻為求扳回劣勢,不過無論是後衞法比奧門前迎頂,或是雲迪奴域的勁射都無功而還。最後夢想FC作客全取3分,以3比1反勝陽光元朗,於聯賽打開今季勝利之門,賽後球員相擁慶祝勁興奮!

夢想FC教練梁志榮認為球隊未有被去仗大敗影響信心,年輕球員表現更為出色:「見到一班後生仔落場都做到要求,所以好開心。其實上場大敗已經同球員講唔係問題,因為過程中球員都有得着,有邊個球員未試過大敗?今場比賽開頭雖然見球員都有緊張,但佢哋慢慢融入比賽,踢得幾暢順,希望嚟緊兩場再攞多4分啦!」


本文來源:http://hk.on.cc/hk/bkn/cnt/sport/20170916/bkn-20170916194002508-0916_00882_001.html




Tag:
本文鏈接:http://www.mud-pumps.com/26915.html