政Whats噏:主持會議太鬆 葉劉爆被政府投訴

作者:Cheryl    發表日期:2018-09-06 12:40:48

《廣深港高鐵(一地兩檢)條例草案》委員會主席葉劉淑儀,今日(13日)將議員的第2輪發言減少1分鐘時間,遭立法會議員陳淑莊及朱凱廸質疑,葉劉話自己無意好似主持人事編制小組委員會咁,每輪發言時間都愈減愈多,即使係主持人事編制小組委員會時亦好寬鬆,反而政府就話有30個項目等緊排隊上,對佢嘅主持方法好不滿,自己會處理政府對佢嘅投訴。朱凱廸就話「我哋幫你投訴番佢」,但就「食檸檬」,葉劉話「呢啲等我嚟處理」。

陳淑莊一度質疑葉劉為何在議員守行為下,要減少議員發問時間,葉劉批評陳淑莊「唔好太咄咄逼人」,陳淑莊就反擊「我係㗎啦,因為我覺得你咄咄逼我哋呀主席」,葉劉又回擊「希望你禮貌啲」,陳淑莊指「我已經好禮貌㗎啦」,葉劉強調時間管理是指標,處理一向寬鬆。

陳淑莊又問及葉劉有關早前公佈嘅日程表,寫到本周五(16日)的會議已想逐條審議,是否有此計劃。葉劉指,並無計劃何時逐條審議,強調該日程表是提到「if possible(如果可行)」,自己會盡量安排時間讓議員發問,會先讓未發問的議員發問,目前未有計劃何時會截止,若問題太重複就不會容許繼續問。


本文來源:http://hk.on.cc/hk/bkn/cnt/news/20180313/bkn-20180313115101037-0313_00822_001.html




Tag:
本文鏈接:http://www.mud-pumps.com/91884.html