【百無禁忌】醫生搞環保殯儀 幫自己揀定壽衣

  劉曉波的終章,是一場死亡直播。由彌留、到被喪禮、被海葬,最後由其兄長在全世界面前「感謝黨」作結。劉霞連丈夫的骨灰都留不住。
「係咪代表劉曉波所爭取嘅嘢會就咁終止?好明顯唔會。更重要,係佢在生時做嘅嘢,其實影響緊身邊所有人。」 范寧是外科醫生,曾任「無國界醫生」主席八年。
近年少去戰場,但公立醫院本身就是災場。救人吃力,制度吃人,他仍經營副業。一三年成立「毋忘愛」,提倡環保殯儀、生死教育,「值得嘅。人嘅生命係同至親、至愛嘅人連繫埋一齊。
點樣傳承逝者嘅精神同價值?第二,係釋懷。點樣令身邊人繼續上路?」「正如劉曉波同太太講:要好好活着。
」 好死還是賴活着?前提是要有得揀,「劉霞冇得揀。」「會唔會香港嘅殯儀服務,都有類似情況?」殯儀業提供的一條龍服務,雖然不及共產黨般滴水不漏,但死者的意願要得到尊重,生前最好大聲疾呼,「當我哋有選擇,卻因為避忌,唔同屋企人溝通、計劃好,最後都唔係我哋想要的善終。
」- 范寧在仁濟醫院的辦公室約有五十呎,雜物堆中有兩個玻璃樽,各有一粒「舊擦膠」浮沉其中,細看卻附着指甲。○八年,他去尼泊爾攀登海拔8188米高的卓奧有山(Cho Oyu),攻頂前要翻過九十度的冰壁,惟糾纏了半小時仍然膠着,「同我一齊的Sherpa(雪巴人嚮導)咁啱唔舒服,話不如落返去,雖然好似好近。」折返大本營後,除下手套,只見左手五指已變灰,「咁奇怪?
周圍摸嚇,又唔覺有嘢。隻腳冇事,其實係好彩。」回港後,其餘三指漸漸回魂,但左手食指和中指的第一截要切除。操刀的同事問:「你仲要唔要o架?
」范寧想了兩秒,「要啦。」 因為遇着行家才有商量?莫說斷指,就算有手有腳的胚胎,一般都被當作醫療垃圾,「呢個只係行政定義。對媽咪嚟講,佢出唔到世,但都係一個生命。
」今年四月,一名孕婦流產,想取回胚胎安葬。醫院說未足廿四週不能申請火化,建議把死胎當成寵物屍體處理。當事人大感受辱,向范寧求助。幾經交涉,終於交由天主教墳場安葬。
「所以一定要同當事人傾。當事人選擇唔要,尊重佢;如果佢想留記念,點解唔可以facilitate?實際上係做到。」「而家咁多醫療問題。
我哋都係人,當你被制度框住,有時會迷失。」 破地獄 那位流產媽媽大概能想像劉霞之痛。人死如燈滅,喪禮至少可以讓親友跟死者好好道別——若他們不是由國安國保所扮演。港式喪禮,則是另一極端,比喜宴還要熱鬧,「死於非命先要破地獄。
仲要你真係信道教。需要破地獄嘅,係極少。」平生不作虧心事的,本來可直接走過奈何橋,卻被喃嘸佬召喚,無端端要去地獄打個轉。兜路事小,不孝為大。
為了解道教的殯儀儀式,他特地去中大修讀有關課程。而范寧大將軍本身是太歲殿三神位之一,肯定是道教權威,「我都有去玄圓學院睇過,佢哋靚仔過我嘅。」 搵食唔犯法,殯儀業者力推打齋套餐,無可厚非;家屬心慌意亂,往往順從,「一係話人哋不嬲都咁做,照跟;一係大家開頭唔出聲,好似飲茶咁,嗌嘢食時梗係話是但,啲嘢上枱,先覺得唔掂,要自己嗌過。」試過有死者的家人各自搞了佛教、道教、基督教三場喪禮,老人家本身卻沒有宗教信仰,「兩種都唔係符合香港精神,我哋要自己話事嘛。
」 積福蔭 食麥記套餐,想把薯條換成田園沙律也不容易。殯儀套餐,在先人嚥氣一刻,便立即上桌,「你去登記處睇嚇,總會見到有幾個人、熟口熟面坐喺度。但醫院唔俾釣泥鯭o架喎。」接上的,不只是一條龍服務,更是整條殯儀產業鏈。
若棺材、紙紮、花牌、骨灰盅樣樣要個性化、講環保,殯儀公司肯定拍案而起,玉皇大帝都冇面俾,「其實環保跟福蔭好吻合。老人家關心小朋友將來嘅生活。好現實,想下一代生活得好,就要保護環境。」 毋忘愛的陳列室有再造紙棺材、可降解骨灰盅、還有環保紙紮豪宅——乜都唔燒不是最環保?
「香港人要有啲實質嘅嘢,先容易理解。」「好多人聽到環保殯儀,第一個反應都係:會唔會呃人?但我唔係要製造一啲環保產品嚟銷售。」「香港有九成人都係火葬,咁點解要燒咗棵樹呢?
我唔會視環保棺為產品,而係替代斬樹嘅一件事。」他是英國樹木學會樹藝技術會員,然而荃灣寸草不生,唯有揀一間窗外有綠蔭的辦公室。 「好得意o架,而家香港最hit係乜?一帶一路。
然後就有好多一帶一路嘅產品、產業走出嚟。環保其實係一種生活態度。」靈堂可以用死者生前的物品去佈置,喜歡書畫的,大可順便搞個畫展。「我之前有個諗法。
碧咸廿幾三十歲就出自傳;費格遜又出自傳,仲要唔只出一次。代表咩呢?人生不斷都有經歷,係咪唔同階段都可以搞生前party?七十、八十大壽,除咗食一餐,了解嚇爺爺嫲嫲的生活片段,其實都合邏輯。
」 做生意 范寧諗頭太多,跟主流社會有時差。毋忘愛開業初期生意欠佳,每年不足十宗。試過有年輕的丈夫想幫襯,為太太辦喪事。長輩聽到覺得陌生,大力反對。
又試過有殯儀業者待家屬離開後,闖入靈堂大吼,叫毋忘愛的職員不要把花盆作花牌。「香港人眼睛都係雪亮嘅。當好多人接受新服務、新概念,其他服務提供者都會改變。最緊要有心做。
」今年生意稍有改善,至今已有接近廿宗。他也不忘向家中兩老埋手,連紙棺材的款式都已揀定,「佢哋都係嗰句:唔使煩啦、唔好搞咁多嘢。但阿爸你會唔會想同阿爺佢哋一齊?要海葬、花園撒灰定係要龕位?
」「到真係離世時,有好多嘢處理。一早安排好曬,唔使拗,大家舒服。」 事先張揚身後事,其實也不是新事物。張愛玲的遺囑便仔細寫明:遺體要由醫院直接去火化,別搞喪禮。
骨灰撒在空曠的地方。「美國尊重個人選擇。中國人,如果家人反對,就算寫明都唔會照做。」更複雜的,還有預設醫療指示。
彌留之際是否要勉強插喉續命?視乎家人的拉扯角力,多於病者意願,「器官捐贈搞咗幾十年都仲係咁啦。其實唔OK。」 飲咖啡 常人視攀山、救災為高風險活動。
范寧行年四十七,兒子才七歲,出門前可有交低身後事?「未搞毋忘愛之前,係冇嘅。而家會處理好錢銀安排。」他甚至連壽衣都已準備好,「就著呢件啦。
」陳年阿根廷九號球衣掛在他辦公室窗前,「當年考專業試,晚晚都著嚟讀書。嗰時巴迪斯圖達俾人嘅感覺,係永遠向前,搏到盡。」 在公立醫院工作,本來就沒有留力的餘地,「喺公院都有好處,睇到社會現象。雖然我都唔算喺最慘的前線。
」他太太在聯合急症室任職,那才是瘋狂的戰場。「人生好多時就係喺有限資源、用盡方法去做好工作。」一一年他隨無國界醫生去利比亞,遇上炸彈襲擊。一名斷腳的傷者原本已在手術台上,突然來個腹部有急性創傷的,「隻腳惟有包紮、打止痛針先。
做完個肚,點知又來個爆肺的。搞埋個肺,隻腳中間得番個窿,乜都冇曬。戰爭就係咁殘酷。」 戰場上斷肢無數,香港病人看見范寧的戰績,卻嘖嘖稱奇:「醫生你好特別喎,手指咁短。
」「係呀。你而家做完手術,有冇咩唔舒服呢?」「咁又冇。」斷指後,他仍有向虎山行,「真係好彩,我用右手,冇乜影響。
」「後來開始做NGO,少咗時間登山。要攞自己假去o架。」登山次數與肚腩此消彼長,「你睇我個樣都唔似運動型啦。我係貪得意、好奇心重。
人生幾十年好快過,日日飲咖啡、做啲恆常嘅嘢,唔係我想過嘅生活。」本文來源:http://nextplus.nextmedia.com/news/latest/20170722/532381

標籤

健康,健康养生 猴棗散 迪士尼美語 -膠原BB ABC Juice health lose weight Abel Benson cat Clean beauty skin distance education Dragon Boat Festival Zongzi Financial Guru Chicken Ball Recipe Hifu療程 HK MC 激光脫毛 Ocean Park ohmykids PhD Piaget伯爵手表价格 PMS 月經 FSH SEO company universities Youfind 万国手表 中醫 乾紋 人生 企业培训 企业培训管理 企业教练培训 企业教练技术培训 教练技术培训 企业教练技术 企业文化 企业文化培训 培训 企业管理 培训课程 企业管理培训课程 课程 健康 养生 醫療 健康,健康养生 內分泌 冷凍光學 冷凍溶脂 凍肉 食品 勵志故事 化妝品 化妝水 半導體脫毛 半導體鐳射 卫浴 去斑效果 品牌 報警 失蹤 如新集團 娛樂 學習 室內設計 寶寶健康 寶寶飲食 小技巧 彩光嫩膚 愿景 个人培训 愿景个人培训 愿景诚信领袖培训 优势 护肤 保养 按摩 探索 推拉窗 換膚 教育 散文 文化 文化,學習 新型產品 鋁材 新聞 綜合 旅游 生活 旅遊 旅遊自然 旅遊項目 昆明 大觀樓 時尚 時尚購物 時評 替假 柏傲灣 the pavilia bay 柏傲灣呎價 柏傲灣示範單位 正本會 正能量 歷史 鋁窗 毛髮 民間 海藻矽 減肥 激光 激光祛斑 無創 無創拉皮 熱話 猴棗散 玉溪 撫仙湖 玻璃王座 白鳳丸功效 皮膚 皺紋 科技 租赁 競技 細白晶透光能面膜機 維修鋁窗 網上購物 緊致去紋 美容 美容療程 美白 美白牙齒 牙黃 美食 美麗 翻譯 肌膚 脫毛 脫毛法 膠原 膠原BB 膠原滋生 膠原自生 膠原蛋白 自資大學 航線 色斑 艺术 落地窗 蜕变七十 蜕变七十培训 補水 裝修市場 設計 維修 護膚 護膚產品 诚信领袖培训 个人修养 購物網站 跟團去歐洲 迪士尼美語 透明質酸 金箔面膜 金融 財經 鉆石能量水系統 互聯網 鋁窗維修 鋼具 鑽石能量水 鑽石能量水機 鑽石能量水系統 陶瓷 陶瓷十大品牌 陶瓷工艺品 陶瓷艺术品 邮票 随笔 面膜 领袖素质培训 養生 養陰丸 香港 香港商宏逸精品有限公司台灣分公司 香港迪士尼 马拉代尔 小说 骨骼健康资讯 高麗蔘 魔法軍團