「如果我繼續留喺香港工作，可能會同我一般同學嘅諗法好似，人工係蝕咗嘅，因為嗰邊人工低好多，但我賺到嘅係經驗同對一啲事情嘅睇法。」眼前的是今年34歲的陸沛靈（Jane），她畢業於港大建築系，五年前想為生活帶來點衝撃，便毅然趕上了工作假期的尾班車，跑到日本的藤本壯介建築設計事務所（Sou Fujimoto
Architects）工作，發掘建築的無盡領域。Jane出走日本前在香港工作了四年，曾經負責的項目包括金鐘地鐵站擴建及零碳天地等，她直言這些項目不甚特別，在設計上沒甚麼突破，不過自覺已比許多同學幸運，「起碼唔使參與嗰啲炒樓嘅住宅項目，已經好好彩。」當然，遠走日本跟隨建築大師學習，又是另一個層次。
日本旅行去得多，但除了食買玩，你何曾留意過身邊的一草一木？到日本工作前，Jane原本也沒有抱太大期望，但這四年來每天騎着單車來回公司與住所，東京的美態映入眼簾，城市中的河流和四季分明的樹，在日工作與生活的經歷讓她發現一定要把這四年來想過和感受過的記下，不然好快便會忘記，於是寫下了《東京。夢。生活》一書，更在新鴻基地產新閱會所舉辦的「年輕作家創作比賽2016/17」中成為其中一個優勝作品。
以往在書中看過無數特色日本建築，一向欣賞當地的建築設計，Jane對神奈川大學的KAIT工房設計有很深的印象，四面玻璃的外牆，內部有三百多條幼細的柱，大約12cm×2cm，分佈有疏有密，以此來營造大小不同的空間，有的讓學生討論，有的擺放植物，「睇落去係一個好奇怪嘅平面圖佈局，但去到嗰時就發現真係有人喺到用緊，我就發現建築設計係可以inspiring得嚟又真係實用。」所以對Jane來說，所謂建築，天馬行空不是最重要，反而應以人為本，她續說：「就算你個建築設計有幾新穎，幾有創意，最後人用不到係冇意思。」她十分敬重老闆藤本壯介，是日本新生代最有才華的建築師之一，他曾經在安靜的東京郊區為一對年輕夫婦設計了一棟概念相當前衞的住宅，名為House NA，是廣為人知的作品，Jane十分欣賞那個建築設計，「成間屋以玻璃做外牆，基本上分為三層，但其實冇實際嘅分層，由細小的地板組成，劃分咗唔同嘅空間，我最初心諗係唔係可以俾人住，結果嗰個客人的確住喺入面，而且好享受。
」香港地少人多，雖然周圍都是樓，但細心一看全都一式一樣，炒樓式的大型住宅項目，全部都有一定規模，如要完成一個如此大規模的項目，又需要經過多重審批，相反在日本，做建築設計發揮空間就比較大，「要設計嘅可能只係一間屋仔，客人同建築師嘅關係好密切，只要客人鍾意個建築師嘅設計，就好容易可以實踐出嚟。」這個世代甚麼都講環保，環保建築聽不少，香港的卻死板得多，一味得個綠字，Jane說：「喺香港講環保建築，通常都好科學化。」甚麼能量轉換，普通大眾市民難以了解背後的原理，自然不覺有何厲害之處，「喺日本有一個錄博物館，特登設計設計到啲窗位好通風，開少啲冷氣；又保留咗原址嘅樹，建築按樹分佈而設計，亦係一間cafe嚟，你坐喺到飲咖啡，睇書，望住原有嘅樹，感受到同自然個關係好強。」讓建築完美融入大自然，甚至運用自然的巧妙之處，如植物在不同季節的不同面貌，是日本建築設計的強項，其他例子還有賞櫻勝地目黑川。
在日工作，辛苦程度比香港更甚，Jane的公司有一半日本人，一半外國人，她憶述：「我坐日本人附近，嗰時做嘢做到九點幾十點已經好攰，但我見到身邊嘅日本人仍然喺到做嘢，我就繼續做，直至凌晨時分，一企起身先發現原來所有人都走曬，得番啲日本人喺到。」香港打工仔常自嘲港奴，我問她覺得自己在日工作有同樣感覺嗎？她笑說：「其實都算係工作奴隸，但起碼喺嗰段時間學到好多嘢。」如果出走是夢，她更想把這個夢帶到香港去，以日本賺來的人脈以及思維在香港創造更多別樣的建築設計。
記者：鄧天蔚攝影：劉永發2017果籽繼續認真知味。識買惜用。行以求知。好事多為。
重修舊好。緊貼果籽報道，即like：http://fb.me/AS.AppleDaily
本文來源：http://hk.apple.nextmedia.com/realtime/supplement/20170810/57061144