唔係星期六、日都夜媽媽走出嚟飲嘢、吹水，乜林德信咁好興致呀？梗係啦，女友開到聲，做男友嘅點敢唔出現呀，而且佢仲以一身好似睡衣嘅裝扮現身，唔通真係趕住出嚟交人？或者只係fashion嘅嘢，《壹》仔唔曉啫。
本來林德信一行三人，企定定係酒吧門口傾計，無耐之後開始移動腳步，以為準備散band啦，點知佢哋左穿右插，專揀啲陰暗無咩人影嘅巷仔嚟行，愈行就愈陰森，有啲咩秘密傾，搞到要匿到咁埋呢？到達目的地之後，見到女朋友拎住張紙仔喺到捲。哦，食枝煙啫，行到山長水又遠只係為咗呼吸，一定係出於好心唔想其他人食二手煙，所以先選擇遠離人群喇！可惜最後衰大頭蝦，漏低咗食剩嘅煙唔記得拎走吖，俾人誤會係亂拋垃圾就唔好啦。
本文來源：http://nextplus.nextmedia.com/news/latest/20171010/553436